細個時好鍾意中秋、過年，無他，多嘢食囉，屋企實會包粽，我老豆做風水先生同老中醫，中秋節一定會收到好多月餅，蘋果，我記得多既時候十幾盒都有，諗起我老豆都系幾巴閉，我啲拍馬都追唔上。
到我老豆老啦，逐漸少左送禮既，我又去左廣州讀書。我二哥係廣州賣水果，賣生果最緊要係中秋、過年，呢兩個節日生意好，一年到頭就靠節日肯定唔會休息，我記得中秋節都要瞓街邊，睇住D貨防止俾偷。
到左去當兵，中秋節肯定係兵營過，中隊搞活動燒烤、加餐、搞小活動咁都好開心，不過就無得返屋企。
有一年高州山洪爆發，我地中隊第二批去支援送水俾當地村民，呢次山洪係突然大暴雨，山洪沿住山谷彙聚冲下，好多村民的一層都浸刷到，甚至沖到二層，窗口都插好多冲下既樹枝淤泥，中秋節當日我地就坐係車上，睇住月光過左一個難忘中秋。
19年香港受靶，系裡面過左個中秋，裡面有佛教協會、天主教會既送左個月餅，兩個月餅仲有零食、朱古力。中秋當日仲加餐，加鷄肶，我好似記得權哥仲偷偷買包係我地三個B仔食，裡面阿Sir同犯飲食要分開，偷偷買嘢俾我地食肯定違規，呢個中秋都很難忘。
返來之後失業左一年，中秋係屋企過，好難得既呢個中秋都好忘。無錢窮開心又憂心。
舊年剛下專職隊，係專職隊過中秋，舊年係國慶中秋一齊過，一般般囉，今年中秋都係玩玩手機就過左，寄左兩盒榮華月餅返去，一盒外家，一盒老婆，中秋當日仲攞左一盒，叫水姐來攞，佢話飲左酒開唔到車來攞，話叫跑腿，17蚊又嫌貴，叫佢第二日正來啦！