A2

部隊學既係B，退伍後去問可以轉A2、B2、C，轉AB要考試，本來怕麻煩想直接轉C，但我家姐閙的話有得轉肯定選最高，我所在市縣無駕校可以轉，因為無駕校有拖頭學，車管所話要轉要自己租車考。
之後拖左好耐，報左名自己考左科目一（部隊轉出只需科目一科目三），有一次听朋友講有拖頭得閒，就問價錢，2500租，就租左約好時間。
個日等到司機就坐上去一齊去到車管所，中午去到由於係自己報名考既，無教練帶，傻傻地咁等，人地考官同其他教練出去了，一直等到下午4點半仲有半個鐘落班，見到考官帶隊回來就上去問。考官都問我點解唔早點講，我話唔識喔，考官就叫我上車，叫我開。我第一次開拖頭，圍住車管所開左一圈，有少少緊張，考官就講左兩句，話開車要開自己道，唔好緊張，之後就叫我簽名，pass過左，之後就等收通知去車管所攞証。
之後坐車回家，過左一段時間，又見到个司機同我家姐打麻雀，原來个司機同我家姐好熟，司機阿清仲開玩笑咁講，早知識既請飲餐早茶就搞掂啦，唔使使2500租車啦！